"आज विश्व हेपाटाइटिस दिवस"

तनुहँ २०८२ श्रावण १२,

हरेक वर्ष जुलाई २८ मा विश्वभर हेपाटाइटिस दिवस मनाइन्छ। यो दिनले हामीलाई हेपाटाइटिस भन्ने रोगको बारेमा जानकारी दिन र यसबाट बच्ने उपायहरू अपनाउन प्रोत्साहित गर्छ।

तर नेपालमा धेरै मानिसलाई यो रोगको बारेमा सही जानकारी छैन। हेपाटाइटिस खासगरी हेपाटाइटिस B र C भाइरसले हुने रोग हो, जसले कलेजोमा गम्भीर असर पुर्‍याउँछ।

हेपाटाइटिस भनेको के हो?

हेपाटाइटिस भनेको जिगरको संक्रमण वा सुजन हो। यसले जिगरलाई कमजोर पार्छ र यदि समयमै उपचार नगरिएमा कलेजो सिरोसिस वा क्यान्सर जस्ता गम्भीर रोगहरू निम्त्याउन सक्छ।

हेपाटाइटिसका पाँच प्रकार छन् — A, B, C, D, र E।
नेपालमा खासगरी B र C प्रकारले सबैभन्दा बढी समस्या निम्त्याउँछन्।

यसले कसरी सर्छ?

संक्रमित रगत वा तरल पदार्थबाट (जस्तै सुई, ब्लेड आदि साझा गर्दा)
असुरक्षित यौन सम्पर्कबाट
जन्मनु अघि वा पछि आमा देखि बच्चामा
सफा नभएको खाना वा पानीबाट (हेपाटाइटिस A र E का लागि)

किन खतरनाक छ हेपाटाइटिस?

हेपाटाइटिस B र C प्रायः धेरै समयसम्म लक्षण नदेखाई शान्तै शरीरमा बस्न सक्छ। त्यसैले मानिसहरूले रोग थाहा पाउँदैनन् र उपचार नगर्न सक्छन्।
ढिलो थाहा पाएपछि जिगर गम्भीर रुपमा नोक्सान पुग्छ।